Më e rëndësishmja
- Laje veturën dhe fotografo në mëngjes ose në mbrëmje, me sfond të qetë.
- Bëj tetë deri dhjetë foto dhe fotografo edhe defektet.
- Në tekst, tre rreshta të vërtetë vlejnë më shumë se njëzet mbiemra.
Fotot
- Laje veturën. Kjo e vetme ndryshon më shumë se çdo këshillë tjetër këtu.
- Fotografo në mëngjes ose në mbrëmje, jo në diell të mesditës — hijet e forta fshehin formën.
- Sfond i qetë: mur, parking i zbrazët, rrugë pa vetura të tjera.
- Tetë deri dhjetë foto: para-anash, prapa-anash, të dyja anët, brenda nga dera e shoferit, pulti me kilometrat, ndenjëset e pasme, bagazhi, motori.
- Fotografo edhe defektet. Kush i sheh në shpallje, nuk zhgënjehet te vetura — dhe nuk negocion në oborr.
Teksti
Shkruaj si për një fqinj: çfarë është vetura, si e ke pasur, çfarë është ndërruar, pse e shet. Tre rreshta të vërtetë vlejnë më shumë se njëzet mbiemra.
- Përmend servisin e fundit me datë dhe kilometra.
- Shkruaj çfarë është ndërruar rishtazi — gomat, frenat, rripi.
- Thuaj hapur nëse ka gërvishtje, ndryshk ose një defekt të vogël.
- Shmang “si e re” dhe “pa asnjë defekt”. Askush nuk i beson dhe të kushtojnë besueshmërinë.
Bëji të gjitha fotot para publikimit: më pas nuk mund të shtosh foto të reja. Pas publikimit krijo me një prekje Reel-in nga 4 deri në 10 foto, ose ngarko videon tënde (3 deri 30 sekonda, online pas kontrollit). Në aplikacion, lista “Kështu merr më shumë kërkesa” të tregon çfarë ende mungon.