Sa kushton vërtet një veturë nga Gjermania

Pse nuk mjafton çmimi në shpallje

Çmimi në shpallje nuk është çmimi që paguan. Për një veturë nga Gjermania vijnë edhe dogana prej 10 %, akciza dhe TVSH-ja prej 18 %, dhe këto varen nga kubikazha, mosha dhe origjina e veturës, jo vetëm nga çmimi. Pastaj vijnë eksporti, transporti, kontrolli teknik dhe regjistrimi.

Si llogaritet, hap pas hapi

1. 1Vlera doganore: çmimi i paguar sipas faturës plus transporti dhe sigurimi deri në kufi (Kodi doganor, nenet 44 dhe 45). Dogana mund ta vlerësojë më lart nëse fatura nuk i përgjigjet vlerës reale.
2. 2Dogana: 10 % e vlerës doganore, ose 0 % me dëshmi origjine për një veturë nga BE-ja.
3. 3Akciza: një shumë fikse sipas motorit, kubikazhës dhe moshës, e njëjtë për benzinë e dizel. E gjithë tabela është te akciza e veturave.
4. 4TVSH: 18 % mbi vlerën doganore plus doganën dhe akcizën (Ligji për TVSH, neni 25).

Tre shembuj të llogaritur

Tre shembuj të llogaritur me tarifën aktuale, pa transport. I treti tregon sa kursen dëshmia e origjinës:

Kur bie dogana prej 10 %

Dogana bie vetëm për veturat me origjinë nga BE-ja, ose nga vendet me marrëveshje si CEFTA, Mbretëria e Bashkuar, Turqia dhe, që nga gushti 2025, SHBA, dhe vetëm me dëshmi: certifikata e qarkullimit EUR.1 ose deklarata e origjinës në faturë, për SHBA dëshmi origjine amerikane. Te Passati i mësipërm kjo kursen 1.416 €. Një veturë e blerë në Gjermani, por e prodhuar në Japoni, Kore ose Kinë, e paguan doganën. Në programin qeveritar të 13 shtatorit 2026 Kryeministri paralajmëroi heqjen e doganës për veturat nga BE-ja; deri më 5 tetor 2026 kjo nuk ka hyrë në fuqi.

• Kërkoje dëshminë para pagesës dhe shkruaje në kontratë. Pa të, dogana paguhet dhe nuk kthehet më vonë lehtë.
• EUR.1 e vërteton dogana gjermane gjatë eksportit, me deklaratën e prodhuesit për numrin e shasisë dhe vendin e prodhimit. Te tregtarët është e zakonshme; një shitës privat zakonisht nuk e ka. Deri 6.000 € mjafton deklarata në faturë.
• Shiko vendin e prodhimit para blerjes, p.sh. në certifikatën e konformitetit (CoC): edhe te markat gjermane disa modele prodhohen jashtë BE-së, p.sh. në SHBA ose Meksikë. Homologim nuk duhet për një veturë të përdorur që ka qarkulluar rregullisht në BE (Ligji 08/L-004).

Kostot përtej doganës

Rruga nga Gjermania në Kosovë

1. 1Blerja: kontrata ose fatura dhe të dy pjesët e certifikatës së regjistrimit gjermane. Për EUR.1 merru vesh me shitësin që tani.
2. 2Eksporti: çdo veturë deklarohet për eksport te dogana gjermane, online ose në kufi. Nëse e nget vetë, dogana gjermane rekomandon targat e eksportit; numri i tyre shënohet në deklaratë.
3. 3Kufiri i Kosovës: sigurim kufitar dhe hyrja me dokumentet e veturës.
4. 4Zhdoganimi: deklarata doganore me faturë dhe dokumente; pagesa e doganës, akcizës dhe TVSH-së.
5. 5Kontrolli teknik, sigurimi TPL dhe regjistrimi në QRA. Kush jeton në Kosovë, me targa të huaja qarkullon vetëm tetë ditë pas hyrjes.

Çdo dokument, me afatet, e gjen te dokumentet për import. Nëse ia vlen fare importi, e llogarisim te ta importosh vetë apo ta blesh në Kosovë.

TVSH-ja gjermane te tregtari

Te tregtari gjerman çmimi me TVSH mund të bjerë për eksport, sepse sipas § 6 të ligjit gjerman për TVSH eksporti jashtë BE-së është pa TVSH. Kushti: tregtari e dërgon veturën vetë, ose blerësi jeton jashtë BE-së dhe e nxjerr vetë, dhe eksporti dëshmohet. Kush jeton në Gjermani dhe e nget vetë veturën, nuk e përfiton, pavarësisht shtetësisë. Me targa të shkurtra eksporti nuk vlen si dëshmi për TVSH; duhen targat e eksportit. Te veturat me taksim të diferencës (§ 25a) TVSH-ja është vetëm në marzhin e tregtarit, prandaj kursimi aty është i vogël.

Në shpalljet pa doganë me kubikazhë të shënuar e sheh koston totale të llogaritur; te të tjerat të çon një lidhje te llogaritësi i doganës.